Азмун қачон "Байер" сафида дебют қилади? Бош мураббий бу саволга жавоб берди

Леверкузеннинг "Байер" клуби бош мураббийи Херардо Сеоане эронлик ҳужумчи Сардор Азмуннинг жароҳати ҳақида гапирди.

"Сардор ҳануз жароҳатдан хавотирда, у даволаниши керак. У қачон сафга қайтишини аниқ айта олмайман. Азмун формага кириши учун 3-4 ҳафта керак", - деди Сеоане.

27 ёшли Азмун қишки трансфер ойнасида "Зенит"дан "Байер"га кўчиб ўтди. Трансфер суммаси 4 миллион еврони ташкил қилди. Футболчи немис клуби билан 2027 йилнинг ёзига қадар шартнома имзолаган.