Азмиддинов, Нуруллоев, Абдураҳмоновга жарима чораси қўлланилди - Тартиб-интизом қўмитаси қарорлари!

Ўзбекистон футбол ассоциацияси Тартиб-интизом қўмитасининг навбатдаги йиғилиши бўлиб ўтди. Унда сўнгги турлар доирасида бўлиб ўтган учрашувлардаги интизомий ишлар кўриб чиқилди.

Суперлига

“Андижон” — “Қўқон-1912”

Суперлиганинг 16-тури доирасидаги “Андижон” — “Қўқон-1912” учрашувининг 72-дақиқасида “Андижон” жамоаси футболчиси Шаҳзод Азмиддинов ўйин вақтини чўзганлиги учун сариқ карточка олган.

Тартиб-интизом қўмитасининг қарорига кўра Шаҳзод Азмиддиновга нисбатан жарима интизом чораси қўлланилди.

Шунингдек, ушбу учрашувини ташкил этишда, хусусан, жамоаларни стадионга қадар етиб келишини ташкиллаштиришда мезбон жамоа томонидан бир қатор камчиликлар аниқланган.

Тартиб-интизом қўмитасининг қарорига кўра “Андижон” клубига нисбатан жарима интизом чораси қўлланилди.

“Сўғдиёна” — “Насаф”

Суперлига 16-туридан ўрин олган “Сўғдиёна” — “Насаф” учрашувининг 75-дақиқасида “Насаф” жамоаси футболчиси Сухроб Нуруллоев ўйин вақтини чўзганлиги учун сариқ карточка олган.

Тартиб-интизом қўмитасининг қарорига кўра, Сухроб Нуруллоевга жарима интизом чораси қўлланилди.

“Қизилқум” — “Бухоро”

Суперлига 17-туридан ўрин олган “Қизилқум” — “Бухоро” учрашувининг 90+2-дақиқасида “Қизилқум” жамоаси футболчиси Илҳомжон Вахобов ўйин вақтини чўзганлиги учун сариқ карточка олган.

Тартиб-интизом қўмитасининг қарорига кўра, Илҳомжон Вахобовга жарима интизом чораси қўлланилди.

“Динамо” — “Навбаҳор”

“Суперлига ва Пролига регламенти”нинг 18.7-бандида футболчи ва мураббий учрашувдан олдин ва кейин бўладиган флешинтервюда иштирок этиши, шунингдек, ўйиндан кейин ҳар бир футболчи махсус микст-зона орқали стадионни тарк этиши шарт этиб белгиланган. Бироқ “Динамо” жамоаси футболчилари учрашувдан сўнг махсус микст-зонадан ҳаракатланмагани қайд этилган.

Тартиб-интизом қўмитасининг қарорига кўра “Динамо” клубига нисбатан жарима интизом чораси қўлланилди.

“Хоразм” — “Сурхон”

Суперлиганинг 17-тури доирасидаги “Хоразм” — “Сурхон” учрашувининг 40-дақиқасида “Сурхон” жамоаси футболчиси Суннатилла Поёнов тўп учун курашда оёғининг таг қисми билан рақиб футболчисининг оёғига зарба бергани учун қизил карточка олган.

Тартиб-интизом қўмитасининг қарорига кўра, Суннатилла Поёновга нисбатан 3 та ўйинга четлаштириш ва жарима интизом чораси қўлланилди.

Учрашувнинг 70-дақиқасида “Хоразм” жамоаси футболчиси Аббос Отахонов тўп учун курашда рақиб футболчиси оёғининг ҳимояланмаган қисмига оёғининг таг қисми билан зарба бергани учун қизил карточка олган.

Тартиб-интизом қўмитасининг қарорига кўра, Аббос Отахоновга нисбатан 3 та ўйинга четлаштириш ва жарима интизом чораси қўлланилди.

“Навбаҳор” — “Сўғдиёна”

17-тур доирасидаги “Навбаҳор” — “Сўғдиёна” учрашувининг 67-дақиқасида “Сўғдиёна” жамоаси футболчиси Хондамир Мустафоқулов ҳакам қарорига эътирози учун сариқ карточка олган.

Тартиб-интизом қўмитасининг қарорига кўра, Хондамир Мустафоқуловга нисбатан жарима интизом чораси қўлланилди.

90+5-дақиқада эса “Сўғдиёна” жамоаси футболчиси Зоир Жўрабоев ўйин вақтини чўзганлиги учун сариқ карточка олган. Унга нисбатан ҳам жарима интизом чораси қўлланилган.

“Суперлига ва Пролига регламенти”нинг 15.1 – бандида клуб регламентда белгиланган мажбуриятларни бажармаслик ёки лозим даражада бажармаганлик учун жавобгар этиб белгиланган. “Навбаҳор” жамоаси учрашувни ташкил қилишда камчиликка йўл қўйгани, жумладан, учрашув давомида стадион ходими мезбон жамоа ўриндиғи олдида туриб учрашувни кузатиб, майдонга яқин ҳолатда футболчиларга кўрсатмалар беришга урингани ва комиссар огоҳлантиришларига қарамай у ҳудудни тарк этмагани қайд этилган.

Тартиб-интизом қўмитасининг қарорига кўра “Навбаҳор” клубига нисбатан жарима интизом чораси қўлланилди.

“Бухоро” — “Хоразм”

Суперлига чемпионатининг 18-тури доирасидаги “Бухоро” — “Хоразм” учрашувининг 81-дақиқасида “Бухоро” жамоаси футболчиси Тома Табатадзе, 83-дақиқасида эса шу жамоа футболчиси Марко Колакович ҳакам қарорига эътироз билдирганлиги учун сариқ карточка олган. Уларнинг ҳар иккисига нисбатан жарима интизом чораси қўлланилди.

“Нефтчи” — “Насаф”

Суперлиганинг 18-тури доирасидаги “Нефтчи” — “Насаф” учрашувининг 24-дақиқасида “Нефтчи” жамоаси футболчиси Фаррух Сайфиев тўп учун курашда оёғи билан рақиб футболчиси оёғининг болдир қисмини босгани учун қизил карточка олган.

Тартиб-интизом қўмитасининг қарорига кўра, Фаррух Сайфиевга нисбатан 2 та ўйинга четлаштириш ва жарима интизом чораси қўлланилди.

“Суперлига ва Пролига регламенти”нинг 15.1 – бандида, клуб регламентда белгиланган мажбуриятларни бажармаслик ёки лозим даражада бажармаганлик учун жавобгар этиб белгиланган. “Нефтчи” клуби учрашувни ташкил қилишда камчиликларга йўл қўйган, шунингдек, клуб матбуот котиби аккредитациясиз шахсларни фото ва медиа ҳудудида фаолият олиб боришга кўмаклашгани қайд этилган.

Тартиб-интизом қўмитасининг қарорига кўра, клубга нисбатан жарима интизом чораси белгиланди ва клуб матбуот котиби келгусида ушбу ҳаракатларни қайта такрорласа, унинг аккредитацияси бекор қилиниши бўйича огоҳлантирилди.

ОКМК — “Қизилқум”

Суперлига 18-туридан ўрин олган ОКМК — “Қизилқум” учрашувининг 66-дақиқасида “Қизилқум” жамоаси футболчиси Асрор Ғафуров ҳакам қарорига эътироз билдиргани учун сариқ карточка олган.

Тартиб-интизом қўмитасининг қарорига кўра, Асрор Ғафуровга жарима интизом чораси қўлланилди.

“Динамо” — “Пахтакор”

Суперлиганинг 18-тури доирасидаги “Динамо” — “Пахтакор” учрашувининг 90-дақиқасида “Динамо” жамоаси футболчиси Фирдавс Абдураҳмонов рақиб футболчисига нисбатан тўпсиз вазиятда тажовузкор ҳаракати учун қизил карточка олган.

Тартиб-интизом қўмитасининг қарорига кўра, Фирдавс Абдураҳмоновга нисбатан 2 та ўйинга четлаштириш ва жарима интизом чораси қўлланилди.

Учрашувнинг 90+9-дақиқасида “Пахтакор” жамоаси футболчиси Ҳожимат Эркинов ҳакам қарорига эътирози учун сариқ карточка олган.

Тартиб-интизом қўмитасининг қарорига кўра, Ҳожимат Эркиновга нисбатан жарима интизом чораси қўлланилди.

“Суперлига ва Пролига регламенти”нинг 15.1 – бандида клуб регламентда белгиланган мажбуриятларни бажармаслик ёки лозим даражада бажармаганлик учун жавобгар этиб белгиланган. “Динамо” клуби учрашувни ташкил қилишда камчиликларга йўл қўйгани сабабли жарима интизом чораси белгиланди.

“Қўқон-1912” — “Сурхон”

“Суперлига ва Пролига регламенти”нинг 16.7-бандида клуб учрашув стартидан 75 дақиқа аввал электрон қайдномага футболчиларнинг исми-фамилияси, рақамларини ўсиш тартибида ҳамда амплуасини, расмий шахслар исми-фамилияси ва лавозимини лицензияда кўрсатилгани бўйича киритиш учун Лига комиссарига футболчилар ва клуб расмийлари лицензиясини тақдим этиши талаб этилган. Мазкур учрашув аввалида “Сурхон” жамоаси футболчи ва расмийларининг барча лицензия ҳамда аккредитациялари эҳтиёцизлик сабаб қолиб кетгани оқибатда меҳмон жамоа учрашувни лицензияларсиз ўтказгани қайд этилиб.

Тартиб-интизом қўмитасининг қарорига кўра, “Сурхон” клубига нисбатан жарима интизом чораси қўлланилди.

“Хоразм” — “Қизилқум”

“Суперлига ва Пролига регламенти”нинг 18.7-бандида футболчи ва мураббий учрашувдан олдин ва кейин бўладиган флеш интервюда иштирок этиши, шунингдек, ўйиндан кейин ҳар бир футболчи махсус микст-зона орқали стадионни тарк этиши шарт этиб белгиланган. Мазкур учрашув якунлангандан сўнг “Хоразм” жамоаси футболчиси Владимир Бубаня комиссарнинг микст-зонада ўтиш бўйича талабни бажармаган.

Тартиб-интизом қўмитасининг қарорига кўра, Владимир Бубаняга нисбатан жарима интизом чораси қўлланилди.

“Навбаҳор” — “Нефтчи”

Суперлига 19-туридан ўрин олган “Навбаҳор” — “Нефтчи” учрашувининг 90+3-дақиқасида “Нефтчи” жамоаси футболчиси Мухсин Убайдуллаев ўйин вақтини чўзганлиги учун сариқ карточка олган.

Тартиб-интизом қўмитасининг қарорига кўра, Мухсин Убайдуллаевга жарима интизом чораси қўлланилди.

“Қўқон-1912” — “Сурхон”

Суперлига 19-туридан ўрин олган “Қўқон-1912” — “Сурхон” учрашувининг 7-дақиқасида “Сурхон” жамоаси футболчиси Асилбек Жумаев, 36-дақиқада эса “Сурхон” жамоаси футболчиси Беҳзод Шамсиев ҳакам қарорига эътироз билдиргани учун сариқ карточка олган. Уларнинг ҳар иккисига нисбатан жарима интизом чораси қўлланилди.

Пролига

“Олимпик” — “Локомотив”

Пролига чемпионатининг 11-тури доирасидаги “Олимпик” — “Локомотив” учрашувининг 86-дақиқасида “Локомотив” жамоаси футболчиси Кирилл Тодоров ўйин вақтини чўзганлиги учун сариқ карточка олган.

Тартиб-интизом қўмитасининг қарорига кўра, Кирилл Тодоровга нисбатан жарима интизом чораси қўлланилди.

У-21 чемпионати

“Сўғдиёна У-21” — “Насаф У-21”

У-21 чемпионатининг 16-тури доирасидаги “Сўғдиёна У-21” — “Насаф У-21” учрашувининг учрашувнинг 66-дақиқасида “Насаф У-21” жамоаси мураббийи Ҳамза Каримов ҳакам қарорига эътирози учун сариқ карточка олган.

Тартиб-интизом қўмитасининг қарорига кўра, Ҳамза Каримовга нисбатан жарима интизом чораси қўлланилди.

89-дақиқада “Насаф У-21” жамоаси футболчиси Миршодбек Суюнов ҳакамни номақбул сўзлар билан ҳақорат қилгани учун қизил карточка олган.

Тартиб-интизом қўмитасининг қарорига кўра, Миршодбек Суюновга нисбатан 2 та ўйинга четлаштириш ва жарима интизом чораси қўлланилди.

“Қизилқум У-21” — “Бухоро У-21”

У-21 чемпионатининг 17-тури доирасидаги “Қизилқум У-21” — “Бухоро У-21” учрашувининг 35-дақиқасида “Қизилқум У-21” жамоаси футболчиси Шерзод Мажидов рақиб футболчисига нисбатан қўпол ўйин қўллагани учун қизил карточка олди.

Тартиб-интизом қўмитасининг қарорига кўра, Шерзод Мажидовга 2 та ўйинга четлаштириш ва жарима интизом чораси қўлланилди.

“Суперлига ва Пролига регламенти”нинг 15.5 – бандида клуб ҳамда стадион учрашув ўтказилиши билан боғлиқ зарур ташкилий масалаларни ҳал этиш учун масъул ҳисобланиши, улар учрашув хавфсизлиги ҳамда тез тиббий ёрдам учун масъул органлар билан ҳамкорликда учрашувдан олдин, учрашув давомида ва учрашувдан кейин стадионда, унга туташ ҳудудда интизом ҳамда жамоатчилик тартибини сақлаш учун барча зарур чорани кўриши талаб этилган. Бироқ ушбу ўйиннинг 59-дақиқасида жамоат тартиби учун масъул ходимлар кетиб қолгани, учрашув маълум муддатга тўхтатилгани, ушбу ходимлар қайтиб келгач учрашув давом эттирилгани қайд этилиб, ҳолат бўйича чора кўриш сўралган.

Тартиб-интизом қўмитасининг қарорига кўра, “Қизилқум” клубига нисбатан жарима интизом чораси қўлланилди.

“Қўқон-1912 У-21” — “Нефтчи У-21”

У-21 чемпионатининг 17-тури доирасидаги “Қўқон-1912 У-21” — “Нефтчи У-21” учрашувининг 85-дақиқасида “Нефтчи У-21” жамоаси футболчиси Муҳаммадзиё Аҳмаджонов қизил карточка олган. Шундан сўнг у бош ҳакамни номақбул сўзлар билан ҳақорат қилган ҳамда учрашув якунида ҳакам шаънига ҳақоратли сўзлар ишлатиб тартибсизлик келтириб чиқарган.

Тартиб-интизом қўмитасининг қарорига кўра, Муҳаммадзиё Аҳмаджоновга 5 та ўйинга четлаштириш ва жарима интизом чораси қўлланилди.

“Пахтакор У-21” — “Сўғдиёна У-21”

У-21 чемпионатининг 19-тури доирасидаги “Пахтакор У-21” — “Сўғдиёна У-21” учрашувининг 82-дақиқасида “Пахтакор У-21” жамоаси футболчиси Ферузбек Олимов рақиб футболчисини номақбул сўзлар билан ҳақорат қилгани учун қизил карточка олган.

Тартиб-интизом қўмитасининг қарорига кўра, Ферузбек Олимовга 3 та ўйинга четлаштириш интизом чораси қўлланилди.

“Динамо У-21” — ОКМК У-21

У-21 чемпионатининг 19-тури доирасидаги “Динамо У-21” — ОКМК У-21 учрашувининг 70-дақиқасида “Динамо У-21” жамоаси футболчиси Мақсудхўжа Аълохўжаев бош ҳакамни номақбул сўзлар билан ҳақорат қилгани учун қизил карточка олди.

Тартиб-интизом қўмитасининг қарорига кўра, Мақсудхўжа Аълохўжаевга 3 та ўйинга четлаштириш ва жарима интизом чораси қўлланилди.

“Насаф У-21” — “Шўртан У-21”

У-21 чемпионатининг 19-тури доирасидаги “Насаф У-21” — “Шўртан У-21” учрашувидан сўнг “Шўртан У-21” жамоаси футболчиси Адҳамжон Мусулмонов бош ҳакамни номақбул сўзлар билан ҳақорат қилиб, тажовузкор ҳаракатлар қилгани учун қизил карточка олган.

Тартиб-интизом қўмитасининг қарорига кўра, Адҳамжон Мусулмоновга 4 та ўйинга четлаштириш интизом чораси қўлланилди.

“Андижон У-21” — “Навбаҳор У-21”

У-21 чемпионатининг 18-тури доирасидаги ушбу учрашувнинг 87-дақиқасида “Андижон У-21” жамоаси футболчиси Асадбек Ҳабибуллаев ўйин вақтини чўзганлиги учун сариқ карточка олди.

Тартиб-интизом қўмитасининг қарорига кўра, Ҳабибуллаевга жарима интизом чораси қўлланилди.

“Динамо У-21” — “Навбаҳор У-21”

У-21 чемпионатининг 16-тури доирасидаги учрашувнинг 25-дақиқасида “Навбаҳор У-21” жамоаси мураббийи Шерзод Жўраев ҳакам қарорига эътироз билдиргани учун сариқ карточка олди.

Тартиб-интизом қўмитасининг қарорига кўра, Жўраевга жарима интизом чораси қўлланилди.

“Динамо У-21” — ОКМК У-21

У-21 чемпионатининг 19-тури доирасидаги учрашувнинг 62-дақиқасида “Динамо У-21” жамоаси футболчиси Жавоҳир Рустамов ҳакам қарорига эътироз билдиргани учун сариқ карточка олди.

Тартиб-интизом қўмитасининг қарорига кўра, Рустамовга жарима интизом чораси қўлланилди.

“Динамо У-21” — “Пахтакор У-21”

У-21 чемпионатининг 18-тури доирасидаги учрашувнинг 29-дақиқасида “Динамо У-21” жамоаси мураббийи Андрей Пятнитский ҳакам қарорига эътироз билдиргани учун сариқ карточка олди.

Тартиб-интизом қўмитасининг қарорига кўра, Пятнитскийга жарима интизом чораси қўлланилди.

У-21 чемпионатининг 19-тури доирасидаги шу учрашувнинг 90-дақиқасида “Пахтакор У-21” жамоаси футболчиси Муҳаммадбобур Каримов ўйин вақтини чўзганлиги учун сариқ карточка олди.

Тартиб-интизом қўмитасининг қарорига кўра, Каримовга жарима интизом чораси қўлланилди.

Биринчи лига

“Сирдарё ФА” — “Локомотив-фарм”

Биринчи лига чемпионатининг 11-тури доирасидаги “Сирдарё ФА” — “Локомотив-фарм” учрашувининг 76-дақиқасида “Локомотив-фарм” жамоаси футболчиси Артур Мхитарян тўп учун курашда рақиб футболчисининг тиззасига бутсасининг таг қисми билан зарба бергани учун қизил карточка олган.

Тартиб-интизом қўмитасининг қарорига кўра, Артур Мхитарянга нисбатан 2 та ўйинга четлаштириш интизом чораси қўлланилди.

“Дўстлик” — “Наманган ФА”

Биринчи лига чемпионатининг 10-тури доирасидаги “Дўстлик” — “Наманган ФА” учрашуви олдидан регламентда белгиланган тартиб бузилган. Жумладан, учрашув аввалида ЎзПФЛ мадҳияси янграмагани қайд этилди.

Тартиб-интизом қўмитасининг қарорига кўра, “Дўстлик” клубига жарима интизом чораси қўлланилди.

“Иштихон” — “Сирдарё ФА”

Биринчи лига чемпионатининг 10-тури доирасидаги “Иштихон” — “Сирдарё ФА” учрашувини ташкил қилиш жараёнида қатор камчиликларга йўл қўйилган. Жумладан, учрашув қайдномасини тўлдириш учун мезбон жамоа 20 дақиқа кеч келгани, учрашув видео тасвирга олинмагани ва тез тиббий ёрдам машиналари ўз вақтида келмаганлиги оқибатида ўйин кечикиб бошланган.

Тартиб-интизом қўмитасининг қарорига кўра, “Иштихон” клубига жарима интизом чораси қўлланилди.

“ОКМК Семург” — “Пахтакор-фарм”

Биринчи лига чемпионатининг 10-тури доирасидаги “ОКМК Семург” — “Пахтакор-фарм” учрашувини ташкил қилишда ҳам регламент талаблари бузилгани қайд этилди. Хусусан, ҳакамлар бригадаси учун белгиланган хона очилмагани, ЎзПФЛ мадҳияси янграмагани ва стадион хоналарида зарур шароитлар яратилмагани аниқланган.

Тартиб-интизом қўмитасининг қарорига кўра, “ОКМК” клубига жарима интизом чораси қўлланилди.

У-19 чемпионати

“Андижон У-19” — ОКМК У-19

У-19 чемпионатининг 13-туридоирасидаги “АндижонУ-19” — ОКМКУ-19 учрашувининг 81-дақиқасидаОКМКУ-19 жамоасифутболчисиАкобирМўминоврақибфутболчисиганисбатанқўполўйинқўллаганиучунқизилкарточкаолган.

Тартиб-интизомқўмитасинингқароригакўра, АкобирМўминовга 2 таўйингачетлаштиришинтизомчорасиқўлланилди.

“Олимпик У-19” — “Пахтакор У-19”

У-19 чемпионатининг 13-тури доирасидаги “Олимпик У-19” — “Пахтакор У-19” учрашувининг 67-дақиқасида “Пахтакор У-19” жамоаси футболчиси Муҳаммадшоҳ Аҳмедов бош ҳакамни номақбул сўзлар билан ҳақорат қилгани учун қизил карточка олган.

Тартиб-интизом қўмитасининг қарорига кўра, Муҳаммадшоҳ Аҳмедовга 3 та ўйинга четлаштириш интизом чораси қўлланилди.

“Бухоро У-19” — “Насаф У-19”

У-19 чемпионатининг 13-тури доирасидаги “Бухоро У-19” — “Насаф У-19” учрашувининг 59-дақиқасида “Насаф У-19” жамоаси футболчиси Камронбек Убаев рақиб футболчисига оёғи билан зарба бергани учун қизил карточка олган.

Тартиб-интизом қўмитасининг қарорига кўра, Камронбек Убаевга 2 та ўйинга четлаштириш интизом чораси қўлланилди.

“Бунёдкор У-19” — “ФарДУ У-19”

У-19 чемпионатининг 12-тури доирасидаги “Бунёдкор У-19” — “ФарДУ У-19” учрашувининг 45-дақиқасида икки жамоа футболчилари иштирокида тартибсизлик юзага келган. Натижада “Бунёдкор У-19” жамоасидан Асадбек Анваров, Зикриллоҳ Мухторов ва Абдураҳмон Отахонов ҳамда “ФарДУ У-19” жамоасидан Иброҳимжон Мусумжонов ва Алишер Алижонов қўпол хатти-ҳаракатлари учун қизил карточка олган.

Тартиб-интизом қўмитасининг қарорига кўра, мазкур футболчиларнинг ҳар бирига 5 та ўйинга четлаштириш интизом чораси қўлланилди. Шунингдек, “Бунёдкор” ва “ФарДУ” клубларига нисбатан жарима интизом чораси белгиланди.

Аёллар чемпионати

“Сурхон-W” — “Пахтакор-W”

Аёллар олий лигасининг 11-тури доирасидаги ушбу учрашувнинг 42-дақиқасида “Сурхон-W” жамоаси футболчиси Эъзоза Исмоилова оёғининг таг қисми билан рақиб футболчисига зарба бергани учун қизил карточка олди.

Тартиб-интизом қўмитасининг қарорига кўра, Исмоиловага 3 та ўйинга четлаштириш интизом чораси қўлланилди.

“Севинч-W” — “Нефтчи-W”

Аёллар олий лигасининг 11-тури доирасидаги учрашувнинг 80-дақиқасида “Севинч-W” жамоаси футболчиси Мафтуна Жонимқулова тўпсиз вазиятда рақиб футболчисини атайлаб тепгани учун қизил карточка олди.

Тартиб-интизом қўмитасининг қарорига кўра, Жонимқуловага 3 та ўйинга четлаштириш интизом чораси қўлланилди.

“Сўғдиёна-W” — ОКМК-W

Аёллар олий лигасининг 12-тури доирасидаги учрашувнинг 32-дақиқасида “Сўғдиёна-W” жамоаси футболчиси Кумушой Ғуломова рақиб жамоаси голидан сўнг рақиб футболчисини оёғига тепгани учун қизил карточка олди.

Тартиб-интизом қўмитасининг қарорига кўра, Ғуломовага 3 та ўйинга четлаштириш интизом чораси қўлланилди.

“Арал-W” — “Хоразм-W”

Аёллар биринчи лигасининг 11-тури доирасидаги ушбу учрашувнинг 52-дақиқасида “Хоразм-W” жамоаси футболчиси Махинур Қўзиева ҳакам қарорига эътироз қилиб, рақиб футболчисини тепганлиги учун қизил карточка олди.

Тартиб-интизом қўмитасининг қарорига кўра, Қўзиевага 4 та ўйинга четлаштириш интизом чораси қўлланилди.

Шу учрашувнинг 80-дақиқасида эса “Арал-W” жамоаси футболчиси Шахсанем Жолдасбаева тўп учун курашда рақиб футболчисининг оёғига тепганлиги учун қизил карточка олди.

Тартиб-интизом қўмитасининг қарорига кўра, Жолдасбаевага 3 та ўйинга четлаштириш интизом чораси қўлланилди.

Барча мураббий, футболчи, ҳакам ва расмийларни ҳар қандай вазиятда эҳтиросларга берилмасдан, профессионал бўлишга чақирамиз. Сизлар ўсиб келаётган ёшлар учун намуна эканликларингизни яна бир бор эслатиб ўтамиз!