“Реал” ва Бельгия терма жамоаси ҳужумкор футболчиси Эден Азар бундан буён ўзининг аввалги даражасига кўтарила олмаслигини тан олди.
Азар “Челси”да ўйнаган даврида Европанинг энг зўр футболчиларидан ҳисобланарди. 2018 йили “Реал” уни жамоадан кетган Криштиану Роналдунинг ўрнини босиш учун 115 миллион еврога харид қилган.
Мадридга келганидан бери бельгиялик футболчи жуда кўп жароҳат олди. Натижада испан футболига мослага олмади.
- Мен энди 2018 йилда кўрсатган ўйинимни такрорлай олмайман, ўша даражамга қайтолмайман. Мен ҳам руҳан, ҳам жисмонан машаққат чекдим. Буни тан олишдан уялмайман.
2018 йилда мен дунёнинг энг зўр ўн футболчисидан бири эдим, - деди Эден Азар.
Азар “Қироллик клуби” сафида жами 72 марта майдонга тушиб, еттита гол ва 11 та голли пас муаллифи бўлди.