"Атлетико" Костага харидор тополмаяпти

"Атлетико" форварди Диего Коста янги мавсумни ҳам “матрасчилар” сафида ўтказиши мумкин.

AS нашри тарқатган хабарга қараганда, 31 ёшли испаниялик футболчининг трансфери бўйича “матрасчилар”га ҳеч қандай таклиф келиб тушмаган. Мадридликлар Костанинг трансферидан тушадиган пулни "Барселона" форварди Луис Суарес ёки ПСЖнинг собиқ ҳужумчиси Эдинсон Каванини сотиб олишга сарфлашни режалаштираётган эди.

Коста “Атлетико” сафида жами 208 та ўйинда майдонга тушган ва 81 та гол ҳамда 36 та голли узатмага муаллифлик  қилган. Унинг клуб билан амалдаги шартномаси 2021 йилга қадар имзоланган.