"Аталанта" сардорини океан ортига чорлашмоқда

Бош мураббий Жан Пьеро Гасперини билан тил топиша олмаётгани сабаб жамоадан кетаётган “Аталанта” сардори Алехандро Гомес фаолиятини океан ортида давом эттириши мумкин

Tuttosport нашрининг хабар беришича, 32 ёшли аргентиналик футболчи учун МЛСда иштирок этувчи "Цинциннати" клуби 15 млн евро таклиф қилмоқчи.

Гомес “Аталанта” сафида 2014 йилдан буён тўп суриб келмоқда. У жорий мавсум жами 15 та ўйинда майдонга тушди ва ўз ҳисобига 5 та гол ҳамда 4 та голли узатма ёздириб қўйди. Унинг клуб билан амалдаги шартномаси 2022 йилга қадар имзоланган.