"Аталанта" футболчисига Европанинг 5 та топ клуби жиддий қизиқиш билдирмоқда

"Аталанта" ярим ҳимоячиси Эдерсон Лоуренсо ёзда жамоасини тарк этиши мумкин. Унга Европа гранди жамоалари жиддий қизиқиш билдирмоқда.

"AS" нашри маълумотларига кўра, бразилиялик футболчи билан "Манчестер Юнайтед", "Манчестер Сити", "Атлетико", "Ювентус" ва "Реал" клублари қизиқмоқда.

"Аталанта" ўз етакчиларидан бири бўлган 25 ёшли футболчини 75 миллион евро эвазига сотиш ниятида.

Жорий мавсумда у А Серияда 45 ўйинда иштирок этиб, 5 та гол ва 2 та голли узатмага муаллифлик қилди.