Ашраф Ҳақими унга қўйилган айбловларга муносабат билдирди

ПСЖ ҳимоячиси Ашраф Ҳақими унга қўйилган зўравонлик айбловлари ҳақида фикр билдирди. Унга нисбатан иш исботланса, 15 йиллик қамоқ жазоси хавф солмоқда.

"Мен хотиржамман. Менга қаратилган ёлғон айбловлар даҳшатли ва ноадолатли. Бундай ҳолатни ҳеч кимга тиламасдим. Биламанки, ҳақиқат ошкор бўлади.

Ўзимни ҳеч нарсада айбдор ҳис қилмайман ва мени танийдиганлар ҳам бундан хабардор. Мен хотиржам ва ҳаётимдаги энг муҳим нарсалар – оилам ва футболга эътибор қаратганман. Айтганимдек, ҳақиқат албатта маълум бўлади", – деди Ҳақими "Canal+"га берган интервьюсида.