Артур: "Барса"даги ҳолатимни тушунаман, лекин Бразилия термасида ўйнаш мен учун шараф

"Барселона" ярим ҳимоячиси Артур Бразилия терма жамоаси учун ўйнаш унга шараф эканлигини айтди, гарчи терма жамоа йиғинига бориб, клубдаги асосий таркибни йўқотиб қўйиш хавфи бор бўлса ҳам.

"Мен "Барса"даги ўрнимни йўқотиб қўйишим мумкинлигини тушунаман. Лекин мен учун ва ҳар биримиз учун Бразилия учун ўйнаш бу шарафли ва катта ғурурдир. Бу мен учун шундай. Мен кучимни тежаш ниятида эмасман ва терма жамоа учун бор имкониятимни ишга соламан.

Жамоамиз футболчиларнинг соғлиғи учун ҳамма нарсани қилмоқда. Улар футболчилар яхши ҳолатда клубларига қайтишлари кераклигини тушунишади," - деди Артур.

Эслатиб ўтамиз, Бразилия терма жамоаси Сенегал (10 октябрь) ва Нигерияга (13 октябрь) қарши ўртоқлик учрашувларини ўтказади.