“Арсенал” ярим ҳимоячиси Мезут Ўзил журналист томонидан ҳам танқид қилинмоқда.
Аслида ҳаммасига германиялик футболчининг пандемия даврида маошининг қисқартирилишига рози бўлмаганидан бошланди.
Англиялик журналистлар унинг топаётган маоши ва жамоага келтираётган фойдасини таққослаб чиқишди.
Ҳисоб-китобларга кўра, 31 ёшли футболчи барча турнирларда 23 марта майдонга тушиб, умумий 1812 дақиқа ўйнаган. Бу вақт мобайнида битта гол ва учта голли пас муаллифи бўлди. У ҳафтасига 350 минг фунт маош олади. Бу 45 ҳафтада 15,75 миллион фунтни ташкил қилади.
Демак, Ўзил майдонда қайд этган натижаларга кўра, битта голи жамоасига қарийб 16 миллион, голли паси 5,25 миллион, ҳар бир тўп узатиши 15 минг, “подкати” 790 минг фунтга тушмоқда.
Ўзилнинг “Арсенал” билан шартномаси келаси йилнинг ёзигача давом этади. Катта эҳтимол билан у жамоани тарк этади.