"Арсенал" тарихий натижа қайд этди — 8 та турда 10 та стандартдан гол!

АПЛнинг саккизинчи туридан ўрин олган баҳсда "Арсенал" сафарда "Фулхэм"ни 1:0 ҳисоби билан мағлуб этди. Ўйиндаги ягона голни Леандро Троссард бурчак зарбасидан кейин урди.

Бу гол "Арсенал" учун жорий мавсумдаги чемпионатда стандарт ҳолатлардан киритилган ўнинчи тўп бўлди. "OptaJoe" нашрининг маълумотига кўра, Англия Премьер-лигаси тарихида илк саккиз тур ичида бундай натижага ҳеч бир жамоа эришмаган.

Микель Артета шогирдлари 8 та ўйиндан сўнг 19 очко тўплаб, турнир жадвалида пешқадамликни давом эттирмоқда. Яқин таъқибчи билан фарқ — 3 очко. Кейинги турда "тўпчилар" ўз майдонида "Кристал Пэлас"ни қабул қилади.