“Арсенал”: Нима қилиб бўлса ҳам, шу юлдузни оламиз!
- 6-феврал, 18:33
- Zohir Toshxo’jayev
- 0
- Футбол
Англия Премьер-лигасида пешқадамлик қилаётган Лондоннинг “Арсенал” клуби Мадриднинг “Атлетико” жамоасидан аргентиналик ҳужумчи Хулиан Альваресни олиб келмоқчи.
Диего Симеоне клуби Альваресга қитъанинг етакчи клублари қизиқаётганини инобатга олган ҳолда унинг трансферидан катта пул ишлаб олмоқчи. Аслида мадридликлар Хулианни таркибда сақлаб қолмоқчи, бироқ улар кутган сумма таклиф қилинса, савдо амалга ошиши эҳтимоли катта.
TEAMtalk нашри маълумотига кўра, лондонликлар Альвареснинг трансфер суммасини пасайтириш учун келишувга икки футболчисини — қанот ҳужумчиси Габриэл Мартинелли ва форвард Габриэл Жезусни қўшиб бериш имкониятини кўриб чиқмоқда.
Ҳозирча Ла Лига клубига “Арсенал” таклиф қилаётган бразилиялик ҳужумкор футболчиларнинг қанчалик қизиқ экани номаълум бўлиб турибди.
Transfermarkt сайтида Хулиан Альвареснинг тахминий қиймати 100 миллион евро, деб кўрсатилган. Шу портал маълумотига кўра, Мартинелли ва Жезуснинг баҳоси мос равишда 45 ва 20 миллион еврони ташкил қилади.
Сўнгги хабарларда 26 ёшли Альварес “Атлетико”ни тарк этиш борасида қарори қатъий экани ёзиляпти. Ўйинчига Каталониянинг “Барселона” клуби ҳам даъвогар ҳисобланади.