Арман Царукянга чемпионлик жанги берилмаганинг асл сабаби нима? Дана Уайт жавоб берди
- 9-январ, 18:02
- Javohir Malikov
- 0
- MMA
UFC жангчиси Арман Царукян билан боғлиқ можаро унинг вақтинчалик чемпионлик жанги учун танланмаслигига сабаб бўлди. Бу ҳақда промоушен президенти Дана Уайт маълум қилди.
Гап шундаки, жанг олдидан ўтказилган стердаунда Арман рақиби Дэн Хукернинг юзига боши билан зарба берган эди. Ўшанда вазиятга тезкор равишда UFC расмийлари ва хавфсизлик хизмати аралашиб, жангчиларни ажратиб қўйганди.
Орадан кўп ўтмай, енгил вазн тоифасидаги вақтинчалик чемпионлик камари учун Жастин Гэтжи ва Пэдди Пимблетт тўқнаш келиши маълум қилинди.
"Титулга даъвогарларни танлашда турли омилларни ҳисобга оламиз, жангчининг хатти-ҳаракати ҳам шулар жумласига киради. Арманнинг ўзини тутиши эса бизнинг қарорга юз фоиз таъсир қилди", — деди UFC раҳбари журналист Робби Фоксга берган интервьюсида.
Эслатиб ўтамиз, ўтган йил ноябрь ойида Арман Царукян 2-раундда Дэн Хукерни бўғиш усули орқали мағлуб этганди.