Арман Царукян қандай қилиб Дэн Хукерни енгди?

Хабарингиз бор, "UFC Qatar" турнирининг марказий жангида Арман Царукян ва Дэн Хукер ўзаро кураш олиб борди. 

Қуйида ушбу жангнинг қандай кечганини бирозгина таҳлил қилиб кўрамиз. 

Жанг бошланиши билан Арман оёқ зарбалари орқали рақибига талофат етказмоқчи бўлди, лекин бир вазиятда қорин қисмига ёллаган зарбасидан кейин Дэн Хукер унинг оёғини ушлаб олди ва бир оёғини ушлаб тейкдаун ҳаракатини амалга оширишга уринди. Арманистонлик жангчи илк мувафаққиятли ҳимоясини ана шу вазиятда бажарди ва нафақат ҳужумкор, балки ҳимоявий услубда ҳам қай даражада моҳир эканини исботлаб қўйди. Кейин эса одатдагидек чалғитиб, тейкдаун ҳаракатига ўтди, аммо бу сафар Дэн ортга тисарилиб, октагон панжараларига қадалиб, тейкдаундан ҳимояланди.

Октагон марказида давом этган жанг "страйкинг" борасида анча қизиқ ва интерактив ўтди. Икки тарафдан қўл ва оёқ забалар алмашинуви ва Дэн Хукердан аввалига "клинч" истаги, сўнг орқа тарафлама назорат ҳолатида гилётинга уриниш, лекин Арман бу сафар партерда ҳимояланди ва мувафаққиятли "эскейп" ҳаракатини ҳисобига ёзиб қўйди. Ортидан Царукян ён тарафлама назорат ҳолатида "арм триенжл чок" услубини қўллашга уринди, бироқ Хукер бунга изн бермади. Шу тариқа илк раунд ниҳоясига етди.

Иккинчи раунд бошланди ва Армандан бир оёқни тутиб тейкдаун ҳаракатига уриниш, лекин Хукер оёғини яхшилаб ерга қадади ва аксинча Арманнинг бўйнидан бўғишга уринди, Арман бу гилётин уринишидан ҳам чиқиб кетди ва  партерда "арм триенжл чок"ни ўзи амалга оширмоқчи бўлди. Дастлаб, Хукер бардош берди, Царукян эса "маррага — бир қадам орқага ва икки қадам олдинга" қоидасига амал қилиб, ерда масофани ушлаб, зарбалар беришни бошлади. Энди вазият ўзгарди, бу сафар Хукер сабмишн эмас техник нокаут мағлубияти учун ҳимоя режимига ўтди. Бу ҳолат Арманнинг ишига қўл келди ва энди Хукер бир қўли ва бўйнини бўғишга очиқ қолдирди. Царукян эса илон янглиғ ўлчасини бўғиб қўйди ва "арм триенжл чок" ғалабасини қўлга киритди.

Жангдан сўнг Арман Дэн Хукерга раҳмат айтди, зеро бир ярим йилдан бери UFC да жанг қилолмаётган эди, ҳамма ундан қочаётганди, Хукер соясида октагонга кириш имконига эга бўлди. Ортидан амалдаги чемпион Илия Топурияга "чақирув" эълон қилди ва мендан қочишни бас қил, январь охирига жанг қилишга тайёрман, сен билан жанг қилмоқчиман, деди.

Азизбек ҒОЗИЙ тайёрлади