Арман Царукян 2026 йил учун энг катта мақсадини очиқлади

Аралаш яккакурашлар устаси Арман Царукян 2026 йилда UFC чемпионлик камарини қўлга киритишни мақсад қилмоқда. 

"2026 йилда чемпион бўламан. Бу катта эҳтимол билан ёзда амалга ошади. Йилни эса 24 январь куни вақтинчалик чемпионлик учун жанг қилиш билан бошлашим мумкин. Ким билади, балки эртага Дана Уайт қўнғироқ қилиб, "Жастин Гэтжи оёғини шикастлаб олди. Ўрнига чиқа оласанми?" деса, мен, албатта, рози бўламан", - деди Арман "Mash на спорте" телеграм-каналига берган интервьюсида.

Маълумот учун, Царукян профессионал ММАда 26 та жанг ўтказиб, уларнинг 23 таси ғалаба қозонган ва 3 тасида мағлубиятга учраган.