Арда Гюлер: "Жуд билан бирга ўйнаш менга жуда ёқади"

"Реал" ярим ҳимоячиси Арда Гюлер Жуд Беллингем билан бир жамоада тўп суриш ҳақида фикр билдирди.

"У билан бирга ўйнаш менга жуда ёқади. Шунингдек, Тчуамени ва Камавинга билан ҳам — уларнинг ҳар бири майдонда мўъжизалар ярата олади. Биз Жуднинг сафга қайтганидан жуда хурсандмиз", — деди турк футболчиси журналист Арлинд Садикуга.

Эслатиб ўтамиз, Беллингем янги мавсум бошида елкасидаги жароҳати сабабли бир неча ўйинни ўтказиб юборган эди. У барча мусобақаларда 7 марта майдонга тушиб, 1 та гол урган. Гюлер эса 12 та баҳсда иштирок этиб, 3 гол ва 5 та голли узатма билан жамоасига ёрдам берган.

26 октябрь куни "Реал" ўз майдонида Ла Лиганинг 10-тур доирасида "Барселона"ни қабул қилади. Учрашув Тошкент вақти билан 20:15'да бошланади.