Арбелоа: "Ҳозир барча эътибор "Мальорка"га қарши ўйинга қаратилган"

"Реал" бош мураббийи Альваро Арбелоа Испания чемпионатининг 30-туридан ўрин олган "Мальорка"га қарши учрашув олдидан ўз фикрлари билан ўртоқлашди.

Мутахассиснинг таъкидлашича, мадридликлар айни пайтда ўзлари истаган нуқтада турибди — жамоа ҳам чемпионлик, ҳам Чемпионлар лигаси бош соврини учун курашмоқда. Шу билан бирга, у ҳозирча барча диққат-эътибор фақат яқинлашиб келаётган ўйинга қаратилганини айтди.

"Мальорка"га қарши баҳс жуда қийин кечади, чунки бу осон рақиб эмас ва ўйин танаффусдан кейин дарҳол бўлиб ўтади. Аммо мени футболчиларнинг машғулотлардаги ишлаши руҳлантирмоқда. Мен уларнинг совринлар учун курашишга бўлган иштиёқи ва юқори концентрациясини кўряпман", — деди Арбелоа "Madrid Xtra"га.

Эслатиб ўтамиз, "Мальорка" — "Реал" учрашуви 4 апрель, шанба куни бўлиб ўтади. Бошланиш вақти — Тошкент вақти билан 19:15.