АПЛнинг гранд клуби Йилдизни сотиб олиши мумкин

Англия Премьер-лигасининг “Ливерпуль” клуби Кенан Йилдиз бўйича “Ювентус”га таклиф юбормоқчи. 
 
Мерсесайдликлар бир неча кундан буён Муҳаммад Салоҳ ва Луис Диаснинг шартномасини узайтириш бўйича иш олиб бормоқда. Шу билан бирга икки ҳужумчига ўринбосар сифатида қишки транферлар ойнасида футболчи харид қилишни мақсад қилиб қўйган. 
 
“Corriere dello Sport” нашрининг хабар беришича, Слот клуби учун Йилдиз энг яхши вариант сифатида кўрилмоқда. Туркиялик футболчи ҳам қишда ўз жамоасини ўзгартиришга қарши эмаслигини билдирган. Манбанинг ёзишича, италия клуби вингер учун атиги 40 миллион евро сўрамоқда. 
 
Ҳозир АПЛ ва ЕЧЛда пешқадам бўлиб турган клуб бир неча кун олдин Кенандан ташқари ПСЖ ҳужумчиси Рандаль Коло-Муанига ҳам катта қизиқиш билдирган эди. 
 
Маълумот ўрнида, 19 ёшли ёш иқтидор эгаси бу мавсум “Ювентус” сафида 24 та учрашувда иштирок этиб, 4 та гол ва 5 та голли узатмага муаллифлик қилган. Унинг клуб билан шартномаси 2029 йилгача мўлжалланган бўлиб, Transfermarkt порталидаги нархи 45 миллион евро деб баҳоланмоқда.