АПЛ. "Ливерпуль" дербида "Эвертон"ни мағлубиятга учратди

Англия Премьер-лигаси 5-турнинг илк беллашувида Арне Слот бошқарувидаги "Ливерпуль" ўз уйида "Эвертон"ни қабул қилган ҳолда, 2:1 ҳисобида мағлуб этди. 
 
Дастлаб, тўқнашувнинг 11-дақиқасида Муҳаммад Салоҳнинг узатмасидан сўнг Гравенберх ҳисобни очишга муваффақ бўлди. 29-дақиқага келиб эса Экитике орадаги фарқни 2 тага етказиб қўйди. Иккинчи бўлимни фаол бошлаган "Эвертон" футболчилари 58-дақиқада ҳисобни қисқартиришди. Гол муаллифи - Идрисса Гейе. 
 
Ушбу беллашувдан сўнг "Ливерпуль" очколар сонини 15 тага етказиб олиб, турнир жадвалидаги пешқадамликни мустаҳкамлаб олди. "Эвертон" эса 7 очко билан 7-ўринда бормоқда.