Анвар Хожимирзаев "Динамо"нинг 2024 йилдаги энг яхши футболчиси!

«Динамо» ПФК матбуот хизмати 18 йиллик анъанасини давом эттириб, 2024 йилги мавсум якунларига кўра мухлислар ўртасида сўровнома ўтказиб, жамоанинг 2024 йилдаги энг яхши ўйинчиси номини аниқлади.

Уч ҳафта давом этган овоз бериш якунларига кўра, Суперлигада 10 та гол билан жамоа тўпурари бўлган Анваржон Хожимирзаев энг кўп – 3603 та овоз билан (55 фоиз) «Динамо» жамоасининг 2024 йилдаги энг яхши ўйинчиси деб топилди. 

«Динамо»нинг 2023 йилдаги энг яхши ўйинчиси бўлган Жоэл Кожо бу йил ҳам ғолиблик учун асосий даъвогарлардан бири эди ва якунда 2535 та овоз тўплаб (38 фоиз), бу борада иккинчи бўлди. 

Мавсум давомида ажойиб ўйинлари ва голлари билан ёдда қолган Хислат Халилов 928 та овоз (14 фоиз) ва Ратиньо 651 та овоз (9 фоиз) билан сўровномада 3-4-ўринларни эгаллашди.

Мавсумни яхши ўтказган Равшанбек Ягудин (305та овоз, 4 %), Салим Мустафоев (290та овоз, 4 %) ва Душан Мийич (187та овоз, 2 %) кейинги ўринларни банд этишди.

Маълумот учун, 2007 йилдан буён мавсум якунларига кўра, «Динамо»да «йил ўйинчиси» аниқланиб келинмоқда. Барча лауреатлар билан танишинг:

 «Динамо»нинг «йил футболчиси» номинацияси ғолиблари:

2007 йил – Фарҳод Тожиев
2008 йил – Илёс Қурбонов
2009 йил – Баҳодир Насимов
2010 йил – Илҳом Юнусов
2011 йил – [Дэвид Ония]
2012 йил – Иван Нагаев
2013 йил – Андрей Мельничук
2014 йил – Андрей Мельничук.
2015 йил – Камолиддин Мурзоев.
2016 йил – Амиржон Сафаров.
2017 йил – Жасур Азимов.
2018 йил – Акмал Холмуродов.
2019 йил – Ботирали Эргашев
2020 йил – Дамир Темиров
2021 йил – Шоҳрухбек Абдураҳмонов
2022 йил – Марат Бикмаев
2023 йил – Кожо Жоэл
2024 йил – Анваржон Ҳожимирзаев