Кўпчиликка ўзининг "Пахтакор", "Навбаҳор", "Бунёдкор" жамоалари ва Ўзбекистон миллий терма жамоасидаги ёрқин ўйинлари орқали яхши танилган футболчи, қолаверса Илҳом Мўминжонов билан биргаликда "Пахтакор" ёшлар жамоасида ёрдамчи мураббий, "Навбаҳор" ва "Сурхон" клубларида маслаҳатчи мураббий бўлиб бирга ишлаган Анвар Солиев эндиликда "Нефтчи" мураббийлар штабида иш бошлади.
Клуб матбуот хизматининг хабарига кўра, Анвар Солиев Илҳом Мўминжоновга ёрдамчи мураббий сифатида кўмаклашади.
Шу ўринда "Нефтчи" жамоасида тайёргарликнинг Тошкентдаги биринчи босқичи якунланди ва жамоа аъзолари Фарғонага қайтиб келдилар. Мавсумга тайёргарликнинг иккинчи босқичи Фарғонада давом эттирилади.
Изоҳлар (0)
Ҳозирча изоҳлар йўқ