Англиянинг энг қўпол жамоаси қайси?
- 23-феврал, 05:22
- Zohir Toshxo’jayev
- 0
- Футбол
Футбол статистикаси билан шуғулланадиган Squawka портали Х ижтимоий тармоғи орқали Англия Премьер-лигасининг энг қўпол жамоалари ҳақидаги маълумотларни тарқатди.
Унга кўра, жорий мавсумда Англия чемпионатида ҳозиргача бўлган учрашувларда энг кўп қизил карточка олган жамоа “Челси” ҳисобланади. “Аристократлар” мусобақа давомида жами олти марта майдондан ҳайдалган.
Кейинги ўринда тўртта қизилган карточка билан “Эвертон” жойлашган. Мерсисайдлик футболчилардан тўрт нафари қилмиши учун учрашувни мажбуран тарк этган.
Учинчи ўриндан икки жамоа – учтадан қизил карточка билан жазоланган Лондон клублари – “Тоттенхэм” ва “Вест Хэм” жойлашди. “Тоттенхэм” сардори Кристиан Ромеро чемпионат давомида икки марта майдондан ҳайдалди.
Ўзбекистон миллий терма жамоаси ҳимоячини Абдуқодир Ҳусанов ўйнаётган “Манчестер Сити”да майдондан четлатилган ўйинчилар йўқ. Жамоанинг энг қўпол ўйинчиси сифатида Бернарду Силвани кўрсатиш мумкин. Сардор 27 та учрашувда жами 8 марта огоҳлантириш олган.
Премьер-лиганинг 13 та учрашувила майдонга тушган Абдуқодир Ҳусанов ҳисобида эса бир жуфт сариқ карточка бор.