"Андижон"нинг Анталиядаги тайёргарлигининг илк босқичи якунига етди

Маълумки, “Андижон” клуби янги мавсумга тайёргарликнинг асосий қисмини Туркиянинг Анталия шаҳрида олиб бориши кўзда тутилган бўлиб, шу мақсадда 7 январь куни Анталияга йўл олди.

Бу ердаги йиғин уч босқичдан иборат бўлишини олдин ҳам таъкидлаганмиз. Унинг дастлабкиси 7-21 январга мўлжалланган. Илк тайёргарлик босқичида жамоа учта назорат учрашувида майдонга тушди ва эндиликда жамоа аъзолари қисқа танаффус оладилар.

Жамоанинг Анталия йиғинидаги иккинчи тайёргарлик босқичи 24 январдан бошланади ва 5 февралга қадар давом этади. Бунинг ичида яна учта ўртоқлик ўйини ўтказилади.

Эслатиб ўтамиз, “Андижон”нинг Анталиядаги ўқув-машғулоти 18 февралда якунига етади.