"Андижон" ниҳоят, бу ишни уддалади...

Чемпионатнинг сўнгги турида “Андижон" сафарда “Бунёдкор”га қарши майдонга тушди. Бу ўйинни аҳамияти айниқса “Бургутлар” учун жуда муҳим эди. Боиси, Суперлигада қолиш учун плей-офф йўлланмасини четлаб ўтган ҳолда лигада тўғридан-тўғри қолиш имкониятини сақлаб қолиш учун “Андижон”га ғалаба жуда зарур эди. Шунинг учун “Бургутлар” майдонга катта иштиёқ билан тушишди. Қолаверса, андижонлик ашаддий мухлислар ҳам “Олимпия” стадионида севимли жамоасини юқори даражада қўллаб-қувватладилар ва аренани худди ўз уйига айлантиришди.

Ўйин ҳам шунга яраша қизиқарли кечди. Бўлим охирларида мезбон дарвозаси томон белгиланган пенальтини Шахзод Азмиддинов муваффақиятли бажарди.

Иккинчи бўлимни янада фаол бошлаган меҳмонлар 66-дақиқада Усмонали Исмоналиевнинг шедевр голи эвазига ҳисобни 0:2 кўринишига келтирди. Шундан кейин “Андижон”да яна қарши ҳужумларда имкониятлар юзага кела бошлади. Фақат баҳс охирларида мезбонлар ҳисобни қисқартиришди. Лекин қолган дақиқаларда "Бургутлар" муҳим ғалабани сақлаб қолишга эришди.

Эътиборлиси, “Андижон” Ўзбекистон чемпионатида ҳали сафарда “Бунёдкор”ни мағлуб этмаганди. Ниҳоят, “Бургутлар” бу сафар нохуш анъанага чек қўйишни уддасидан чиқдилдар. Ўйиндан кейин жамоа аъзолари тарихий ғалабани мухлислари билан бирга нишонладилар.

Гарчи Суперлига якунига етган бўлса-да, жамоамиз учун ҳали мавсум якунлангани йўқ. Боиси, 24 декабрь куни “Андижон” Осиё Чемпионлар лигаси 2 доирасида гуруҳдаги охирги учрашувни Қатарда “Ал-Аҳли” жамоасига қарши ўтказади.

“Бунёдкор” - “Андижон” - 1:2 (0:1).

30 ноябрь. Тошкент. “Олимпия” стадиони. 1260 томошабин.

Ҳакамлар: Ильгиз Танташев, Андрей Цапенко, Тимур Гайнуллин

Захира ҳаками: Диас Галеев

ВАР: Аҳрол Рисқуллаев

АВАР: Ришат Нугмонов

Назоратчи: Жаҳонгир Саидов

Комиссар: Шерзод Ражабов

“Бунёдкор”: Абдумавлон Абдужалилов, Николоз Мали, Нажмиддин Нормуродов, Марко Бугарин, Музаффар Олимжонов (Имеда Ашортиа, 58), Наримон Аҳмаджонов (Мартин Шролер, 58), Носир Абдусаломов (Оллоберган Каримов, 69), Итсуки Урата, Амир Тўрақулов (Сардор Абдунабиев, 77), Азиз Тўлқунбеков, Темурхўжа Абдуҳолиқов (Фарруҳ Қодиров, 69).

“Андижон”: Элдор Адҳамов, Суннатуллоҳ Ҳамиджонов, Шахзод Азмиддинов, Абдураҳмон Комилов, Кристиан Новак (Ислом Маматказин, 46), Муҳаммадкарим Тоиров, Дамир Темиров, Бектемир Абдуманнонов, Дониёр Абдуманнопов, Усмонали Исмоналиев, Отабек Жўрақўзиев.

Голлар: Шахзод Азмиддинов, 45+4 - пен. - 0:1. Усмонали Исмоналиев, 66 - 0:2. Имеда Ашортиа, 85 - 1:2.

Огоҳлантиришлар: Амир Тўрақулов, 16 - Дониёр Абдуманнопов, 9. Суннатуллоҳ Ҳамиджонов, 43. Шахзод Азмиддинов, 52. Муҳаммадкарим Тоиров, 82. Элдор Адҳамов, 84