"Андижон" кетма-кет 4 ўйинда мағлубиятга учради

Ўзбекистон кубоги 2-тури доирасида "Андижон" сафарда "Лочин" билан куч синашди. Ушбу ўйинда кутилмаганда "бургутлар" рақибига 1:2 ҳисобида имкониятни бой бериб қўйди. 

Хомяков шогирдлари кетма-кет 4 учрашувдан буён мағлуб бўлмоқда. Улар сўнгги маротаба "Пахтакор"ни 3:2 ҳисобида таслим этганди. Шундан сўнг жамоа "Сурхон" (2:3), "Динамо" (1:2), "Сўғдиёна" (0:1) ва "Лочин" (1:2) каби клубларга мағлуб бўлди. 

Келгуси турда уларни Суперлига доирасида ОКМКга қарши сафар ўйини кутиб турибди.