Анчелотти Бразилия терма жамоаси ҳақидаги миш-мишларга жавоб берди
- 3-май 2025, 17:05
- Bilolbek Imomov
- 0
- Футбол
"Реал" бош мураббийи Карло Анчелотти Бразилия терма жамоасига тайинланиши мумкинлиги борасида тарқалган хабарларга муносабат билдирди.
"Мен клубни, футболчиларни ва мухлисларни яхши кўраман, уларга ҳурматим баланд. Келажагим ҳақида 25 май куни маълум қиламан, ундан олдин эмас.
Биз ҳозирги пайт ҳақида ўйлаяпмиз, олдимиздаги ўйинлар ҳақида. Биз ҳали ҳам курашишимиз мумкин деб ҳисоблаймиз ва Ла Лигани охирги дақиқасигача ютуш учун ҳаракат қиламиз.
Жуда кўп жароҳатлар, қийинчиликлар бўлди, лекин ишончимиз комилки, яхши таркиб тузиб, "Сельта"га қарши эртаги ўйинда ғалаба қозона оламиз.
Мен ўзимни яхши ҳис қиляпман. Фикрим аниқ – нима қилишим, нима қилмоқчи эканим ва нима қилаётганимни жуда яхши биламан" – дея барча саволларга жавоб бериб ўтди италиялик мутахассис.