Ана холос! "Пахтакор"нинг "Ал Ҳилол"га қарши ўйини коронавирус туфайли бошқа муддатга қолдирилди

Чемпионлар лигасининг 3-туридан ўрин олган "Ал Ҳилол" - "Пахтакор" учрашуви бошқа муддатга қолдирилгани ҳақида ОФК расмий хат йўллади. Бу ҳақда "Пахтакор" клуби матбуот хизмати хабар берди.

Жаҳон бўйлаб тарқалаётган коронавирус хавфи сабабли ва Саудия Арабистонига кириш визаси бошқа мамлакатлар фуқаролари учун тўхтатиб қўйгани сабабли ўйин номаълум муддатга қолдирилди. Бундан олдин бизнинг минтақада Эрон клублари иштирокидаги ўйинлар ҳам бекор қилинганди. ОФК Чемпионлар лигасининг кейинги ҳолати юзасидан тез орада йиғилиш ўтказади.