Ана холос: Неймарни Европага қайтарадиган клуб топилди
- 25-июл 2025, 07:54
- Zohir Toshxo’jayev
- 0
- Футбол
2026 йилги жаҳон чемпионати Бразилия терма жамоасига етакчилик қилиши кутилаётган Неймарнинг келажаги яна Европа билан боғланиши мумкин.
33 ёшли юлдуз анчадан бери “кўҳна қитъа”га қайтиш йўлларини қидиряпти. Неймар жаҳон чемпионатига қадар юқори спорт формасига эришиш учун айнан Европанинг рақобат кучли лигаларида тўп тепишни орзу қилмоқда.
Неймарга бу имкониятни берадиган клуб топилди. Франция чемпионатида амалдаги чемпион – “Пари Сен-Жермен”га рақобат кўрсатиш учун таркибини сезиларли даражада кучайтираётган “Марсель” Неймарни олиб келмоқчи.
Манбанинг ёзишича, марселликлар Неймар трансфери бўйича музокараларга киришган. Улар бу савдо осон кечмалигини жуда яхши билади. “Марсель” мутасаддилари трансферни уддалашда Неймарнинг Европага қайтиш истаги ҳал қилувчи омил бўлишига ишонмоқда.
Бразилиялик юлдуз эса, “Барселона” ва ПСЖдаги юлдузли онларидан кейин яна Европага қайтиб, фаолиятида янги саҳифа очишга тайёрлигини билдирган.