Ана холос: Мессининг жаҳон чемпионатида қатнашиши аниқ эмас

Аргентина терма жамоаси бош мураббийи Лионель Скалони саккиз карра “Олтин тўп” соҳиби Лионель Мессининг 2026 йилги жаҳон чемпионатида иштирок этиш имкониятлари ҳақида фикр билдирди.

- Жаҳон чемпионатига борадими ёки йўқ, бу бўйича Мессининг ўзи қарор қабул қилади. Биз ҳар қандай ҳолатда ҳам унинг қарорини қўллаб-қувватлаймиз.

Ҳозирча ҳаммаси жойида, аммо олти ой – бу катта вақт. Умид қиламизки, Месси ўзини ҳам, терма жамоани ҳам ўйлаб, энг тўғри қарорни қабул қилади, - дейди Скалони.

Амалдаги жаҳон чемпиони ҳисобланган Аргентина гуруҳ босқичида Австрия, Жазоир ва мундиал дебютанти Иордания билан тўқнаш келади.