"Ан-Наср"нинг навбатдаги нишони Ҳаким Зиешга қаратилди!

Саудия Арабистонининг "Ан-Наср" клуби "Челси"дан Ҳаким Зиешни сотиб олмоқчи. Бу ҳақда таниқли инсайдер Фабрицио Романо хабар берди. 

Маълум бўлишича, риёдликлар аллақачон музокараларни бошлаб юборган. Футболчининг ўзи ҳам Саудия Арабистонига боришга қарши эмас. 

Айрим норасмий манбаларнинг хабар беришича, "Ан-Наср" "Челси"дан ҳужумчи Пьер-Эмерик Обамеянгни ҳам қўлга киритишни режа қилган. Габонлик ҳужумчи Криштиану Роналду билан шерикликда ҳужумда ҳаракат қилиши кўзда тутилган.