"Ан-Наср"нинг "Ал-Иттиҳод"га қарши ўйинида энг паст балл олган футболчи ким бўлди?

Саудия Арабистони чемпионатининг 20-туридан ўрин олган "Ал-Иттиҳод" ва "Ан-Наср" жамоалари ўртасидаги ўйин ниҳоясига етди. Мазкур беллашувда майдон эгалари 1:0 ҳисобида ғалаба қозонди.

Учрашувдаги ягона гол 80-дақиқада ўрилди. Қарши ҳужумдан Ромариньо унумли фойдаланиб, жамоасига 3 очко келтирган голни уришга муваффақ бўлди.

Легионеримиз Жалолиддин Машарипов ўйинни захира ўриндиғида бошлаб, 76-дақиқада майдонга туширилди. "Sofascore" портали футболчиларга қўйган баллар билан қуйида танишишингиз мумкин.