"Ан-Наср" яна бир "Манчестер Юнайтед" футболчисини ўз сафига қўшиб олмоқчи

Саудия Арабистонининг бир қанча клублари "Манчестер Юнайтед" ҳимоячиси Рафаэль Варанни ўз сафига қўшиб олмоқчи. Бу ҳақда "Teamtalk" нашри хабар берди. 

Манбанинг хабар беришича, франциялик ҳимоячини "Ан-Наср" клуби сотиб олишни режалаштирмоқда. Жамоа уни Эмерик Льяпорт билан жуфтликда мудофаа чизиғида ўйнатмоқчи. Варандан олдин "Ан-Наср" МЮда ўйнаган Криштиану Роналдуни сотиб олганди. 

Маълумот ўрнида, Рафаэль жорий мавсум "қизил иблислар" билан АПЛнинг 6 ўйинида иштирок этди ва битта гол уришга муваффақ бўлган. Айни вақтда "Transfermarkt" портали футболчини 35 миллион еврога баҳолаяпти.