Аморим МЮ ҳужумчиси билан гаплашишни тўхтатди

Португалиялик мутахассис Рубен Аморим "Манчестер Юнайтед" таркибида ҳужумчи Маркус Рэшфорд учун жой кўрмаяпти.

"The Guardian" нашри маълумотларига кўра, "қизил иблислар" бош мураббийи футболчи билан шахсий суҳбатларни тўхтатган. Аморим Маркусга фақат бутун жамоа билан суҳбат чоғида мурожаат қилмоқда.

Аввалроқ матбуотда 27 ёшли англиялик футболчи МЮни тарк этиши мумкинлиги ҳақида хабарлар тарқалган эди. Ҳужумчига Туринининг "Ювентус" ва Каталониянинг "Барселона" клублари қизиқиш билдирмоқда.

Жорий Англия Премьер-лигаси мавсумида Рэшфорд 15 та ўйинда майдонга тушди, 4 та гол урди ва 1 та голли узатма амалга оширди.