Алонсо АПЛ чемпиони билан музокаралар бошлади

"Ливерпуль" Мадриднинг "Реал" клуби собиқ бош мураббийи Хаби Алонсонинг вакиллари билан алоқада бўлган. Томонлар ўртасидаги музокаралар ижобий бўлди. Бу ҳақда AS хабар бермоқда.

Манбага кўра, испаниялик мутахассис футболчилик фаолияти давомида тўп сурган клубига қайтишга "қатъий аҳд қилган." "Ливерпуль"да Алонсога нисбатан "ҳайрат аралаш ҳурмат" бор. Таъкидланишича, мерсисайдликларнинг ҳар бир ўйини ҳозирги бош мураббий Арне Слотнинг келажагини хавф остига қўймоқда.

Алонсо ўтган ёзда "қаймоқранглилар" бош мураббийи этиб тайинланган эди. 12 январь куни "Қироллик клуби" испаниялик мутахассис билан ҳамкорликни тўхтатганини эълон қилди.

Англия чемпионатининг 23 ўйинидан сўнг "Ливерпуль" 36 очко жамғариб, тўртинчи ўринда бормоқда.