Александр Хомяков: "Бундай муҳит ёрқин хотираларни эслатади"

“Андижон” - “Бухоро” (1:1) ўртасидаги учрашувдан кейин ташкил этилган матбуот анжуманида дастлаб меҳмонлар бош мураббийи Александр Хомяков қатнашди.

- Ўйинни етарлича оғир бўлди, дейишим мумкин. Турнир жадвалидаги ҳозирги вазият бизни ҳаракат қилишга ва очко йиғишга мажбур қиляпти. Декабрдаги ўтиш ўйинида қатнашмаслик учун керакли очколарни жамғариш лозим. Учрашувни қийин бўлишини билардик. Айниқса, икки кун ичида қайта тикланиш осон бўлмаслигини ҳам билардик. Йигитларни ўз ишига бўлган масъулияти, профессионализм ва ишончини алоҳида таъкидлаб ўтиш керак. Футболчилар тиғиз график бўлишига қарамасдан масълуятни ҳис қилиб ўйнашмоқда. Биз ёмон ўйин кўрсатмадик. Лекин ғалабани сақлаб қола олмадик. Барибир футболчилардан мамнунман. Шу билан бирга алоҳида айтиб ўтишим керакки, ўзим учун қадрдон бўлган стадионга келиб, мухлислар қаршисида ўйнаш ажойиб ҳис туйғуларни тақдим қилди. Шу қаторда барчангизни шу ерда кўриб турганимдан хурсандман. Мухлисларнинг кричалкалари, стадиондаги муҳит - буларни барчасини кўриш ёқимли. Бундай муҳит ёрқин хотираларни эслатади. “Андижон” менга она шаҳримдек бўлиб қолган.

- Ўйиндаги натижадан қониқдингизми?

- Йўқ. Биз ғалаба қозонишимиз керак эди. Бундан буёғига ҳар бир учрашувда ютишимиз керак. Алам қиладигани, биз бугунги ғалабани сақлаб қола олмадик. Жамоамизда яхши имкониятлар бўлди. “Андижон”ни дарвозабони яхши ҳаракат қилди ва жамоасини бир нечта голлардан сақлаб қолди. Ғалабани кутгандик. Яна қайтараман: “Андижон” мен учун она шаҳримдек бўлиб қолган. Шундай бўлса-да, ғалаба қозонишимиз керак эди. Футболчилар нима қилиш керак бўлса, барчасини бажаришди. Уларга раҳмат.

- Кубок финалидан кейин футболчиларда чарчоқ аломатлари бордек туюлди...

- Финал бўлиб ўтганига қанча бўлди? Қисқа муддат ичида тиккаланиш қийин жараён. Атиги энди икки кун ўтди. Биз финалда катта куч ва катта хиссиёт сарфладик. Буни тўғри тушуниш керак. Бундай учрашувлардан сўнг жамоани қайта тикланиши қийин ўтади. Барча кўрди, финалда қанча жисмоний куч сарфладик?! Қисқа муддат ичида тикланиш жараёнини тўлиқ ўтказиш жуда қийин. Шу сабабли ҳам футболчиларга раҳмат айтаман.

- Ҳужумчилар - Амонов ва Табатадзени захирага олишингиз уларнинг ўйинидан қониқмаганингиз туфайлими?

- Бир нарсани тўғри тушуниш керакки, футболчилар чарчаган бўлиши мумкин. Ўта масъулиятли ўйиндан кейин улар толиқиши табиий. Барчасини ҳисобга олиб уларни алмаштирдим. Ўрнига тезкор ҳаракат қилишини ўйлаб ёшларни туширдик. Ўйлайманки, бу алмашув яхши бўлди, захирадан тушганлар ўйинга тез киришиб кетдилар.

- “Андижон” клубини Осиё Чемпионлар лигасидаги иштирокини кузатяпсизми? Қандай фикрдасиз?

- Менимча, яхши ўйнашяпти. Тўғри, ҳали гол уришмади, бироқ ўз дарвозасдиан гол ҳам ўтказиб юборишмади. Буни ҳам алоҳида таъкидлаш керак. Олдинда яна ўйинлар бор ва яхши натижалар кўрсатиш мумкин. Имконият бор. Фикримча, ҳозирча яхши. Асосийси, қўлни эрта туширмаслик керак. Олдинда муҳим ўйин кутяпти. Айрим ўйинчилар билан гаплашдим, уларни имкониятлари яхши. Барчамизни хурсанд қилиш учун ютишса яхши бўларди.