Александр Волкановски UFC тарихидаги ТОП-5 жангчини санаб ўтди

Ярим енгил вазн тоифасида амалдаги UFC чемпиони Александр Волкановски промоушен тарихидаги энг яхши беш жангчини айтиб ўтди.

"Биринчиси – Деметриус Жонсон. У жуда кўплаб чемпионлик жангларида иштирок этган. Балки одамлар буни тўлиқ тушунмас, бироқ ўша пайтда супер енгил вазнда рақобат даҳшатли даражада кучли эди. Кейингилари – Жорж Сент-Пьер ва Ислом Махачев! Эҳтимол нохолислик қилаётгандирман, лекин Исраэль Адесаньяни ҳам бу рўйхатга киритиш мумкин. Чунки у пикдаги Роберт Уиттакерни икки марта мағлуб этган. Шунингдек, Андерсон Силва ҳам ТОП-5 да!" - деди австралиялик.

Бир неча соат аввал, бразилиялик Жан Сильва Волкановскига қарши жанг бўйича шартнома имзолаш учун Лондонга кетаётганини маълум қилди.