Алекс Перрейра грэпплингда Хамзат Чимаев билан куч синашмоқчи

Ярим оғир вазнда (93 кг) UFC чемпиони Алекс Перрейра ўрта вазн тоифаси (84 кг) чемпиони Хамзат Чимаевга мурожаат қилди.

"Хамзат мен билан жанг қилмоқчи эканини айтди. Унга тўғридан-тўғри мурожаат этаман. Кел, сен билан грэпплингда куч синашамиз. Буни фақат битта шарт билан амалга оширамиз: мазкур баҳсдан келган ҳамма пул хайрияга йўналтирамиз", - деди бразилиялик ижтимоий тармоқларида.

Эслатиб ўтамиз, 5 октябрь куни Перрейра "UFC 320" турнирининг асосий жангида россиялик Магомед Анкалаевни техник нокаут билан мағлуб этиб, камарини қайтариб олди.