Агуэро Мессига омад тилади

Аргентина терма жамоасининг собиқ футболчиси Серхио Агуэро “Twitch” орқали жонли эфир амалга оширди. Футболчи Месси билан суҳбатлашди. Ҳужумчи Лионель ва Аргентинага омад тилади.

“Сизнинг ўйинингизни ва аҳиллигингиз менга жуда ёқади. Мен ўзимни сиз билан бирга ҳис қилмоқдаман. Ҳаммаси жойида эканлигидан хурсандман. Кейинги ўйинда омад тилайман. Нима бўлишидан қатъи назар, сизлар феноменсизлар”, - деди Агуэро.

Месси эса собиқ жамоадошига жавобан унинг йўқлиги ва жароҳати сабаб Қатарга кела олмаган Ло Чельсони ўрни билинаётганини айтди.

Агуэро Қатардаги жаҳон чемпионатига келиши мумкин эди. У 2021 йилда юрак касали туфайли фаолиятини эрта тугатишга мажбур бўлганди. Лионель билан у биргаликда деярли 16 йил терма жамоа шарафини ҳимоя қилиб келган.