Абдуқодир Ҳусановга Туркиянинг гранд клуби қизиқиш билдирмоқда

Миллий терма жамоамиз Абдуқодир Ҳусанов учун курашга Туркиянинг "Фенербахче" клуби ҳам қўшилди. 
 
Жозе Моуриньо бошчилигидаги клуб қишки трансферлар ойнасида ҳимояни кучайтириш ҳақида ўйламоқда. 
 
"NTV Spor" нашрининг хабар беришича, Туркия клуби учун ҳамюртимиз Абдуқодир Ҳусанов энг яхши вариант сифатида кўрилмоқда. "Ланс" клуби ҳам қишда ҳимоячимизни 30 миллион евродан камроқ суммага сотмоқчи эмас. 
 
Бир неча кун олдин 20 ёшли фулбекка Англиянинг "Манчестер Сити", Тоттенхэм", "Ньюкасл Юнайтед", "Лестер", Испаниядан эса "Атлетико Мадрид" ва Франциядан ПСЖ жамоаcи ҳам ҳимоячимизга катта қизиқиш билдирган эди.