Абдулқодир Ҳусановни Парижда кутишяпти
- 5-июл 2024, 20:02
- Zohir Toshxo’jayev
- 0
- Футбол
Жорий йилнинг 26 июль - 11 август кунлари Франция пойтахти Париж шаҳри мезбонлик қилаётган ёзги Олимпия ўйинлари Абдуқодир Ҳусанов учун муҳим аҳамият касб этади.
Чунки 20 ёши ҳимоячимиз бир йилдан бери Франция чемпионатида “Ланс” жамоаси шарафини ҳимоя қилмоқда ва маҳаллий шароитга бошқа футболчиларимизга қараганда кўпроқ мослашган бўлади.
Куни кеча Ўзбекистон U-23 терма жамоаси бош мураббийи Тимур Копадзе ўзбек футболи учун тарихий аҳамият касб этадиган Париж Олимпиадасига жалб қилинган ўйинчилар рўйхатини эълон қилди.
Франция футболини ёритаётган сайтлар олимпиячилар таркибига Лига 1 вакили Абдуқодир Ҳусанов ҳам киритилганига алоҳида эътибор қаратди.
Sports.uz портали ўзбекистонлик футбол ишқибозлари эътиборига франциялик экспертларнинг муносабатини ҳавола этади.
Кристоф Шаад, lensois.com сайти эксперти:
“Ланс” профессионал футбол клуби ҳимоячиси Абдуқодир Ҳусанов 2024 йилги Олимпия ўйинларида иштирок этади. У Ўзбекистон терма жамоаси тарикибига киритилгани эълон қилинди.
Яқинда миллий терма жамоа сафида 2026 йилги жаҳон чемпионати саралаш учрашувларида иштирок этган 20 ёшли футболчи энди Олимпиадада тўп тепади. Асосиан 23 ёшгача бўлган футболчилар иштирокидаги турнир 24 июлдан бошланиб, финалга йўл оладиганлар учун 10 августгача давом этади.
Ўзбекистон биринчи учрашувини 24 июль куни маҳаллий вақт билан соат 15:00 да “Парк де Пренс” аренасида гуруҳ фаворити Испания терма жамоасига қарши ўтказади.
Нант шаҳри мезбонлик қиладиган кейинги беллашув 27 июль соат 17:00 да Миср футболчилари билан бўлади.
Ўзбекистон 30 июль куни соат 15:00 де Доминикан Республикаси билан бўладиган гуруҳдаги охирги ўйинда иштирок этиш учун яна “Парк де Пренс”га қайтади. Чорак финалга чиқиш учун квартетда камида иккинчи ўринни эгаллаш шарт.
Энцо Пайлот, le11hdf.fr сайти эксперти:
Ўзбекистон терма жамоаси сафида бир неча халқаро саралаш ўйинларида ўзини кўрсата олган Абдуқодир Ҳусанов Париж Олимпиадасига келадиган ўйинлар қаторида танланди.
Абдуқодир Ҳусанов 20 ёшидаёқ ўзбек футболида асосий фигуралардан бирига айланиб улгурди. У Ўзбекистон миллий терма жамоасида 14 та учрашувда майдонга тушди, Қатардаги Осиё кубогида ишончли ўйнади.
Бундан ташқари, Ўзбекистон U-23 терма жамоаси сафида Осиё кубогида қатнашиб, ўзбекистонликларнинг Олимпиадага йўлланма олишига ёрдами тегди. “Ланс” ҳимоячиси Париждаги мусобақада ҳам барча фронтларда кураш олиб бориши кутиляпти.
Абдуқодир Ҳусановнинг ёши 23 дан кичик бўлса-да, Олимпиадада асосий таркибда ўйнаш имконига эга. Олимпия ўйинларида ҳар бир иштирок терма жамоа таркибга уч нафардан 23 ёшдан катта ўйинчиларни киритиши мумкин.
Эслатиб ўтамиз, Ўзбекистон U-23 терма жамоаси шу йилнинг апрель ойида Қатарда ўтказилган Осиё кубогида иккинчи ўринни эгаллаб, ўз тарихида илк бор олимпия лицензиясини қўлга киритган эди.
Шомуродовга иккита янги даъвогар пайдо бўлди!
Файзуллаев бўйича “Бавария”дан қўнғироқ бўлди: Таниқли агент масалага ойдинлик киритди!
Легионерларимиз: Яхшибоевнинг ишлари яхши, қолганларчи?
ЦСКА Файзуллаевнинг кетишига рухсат берадими?