А Серия. "Наполи" камбэк амалга ошириб, 3 очкони қўлга киритди

А Сериянинг 6-турида "Наполи" ўз уйида "Женоа"ни қабул қилиб, 2:1 ҳисобида мағлуб этди.

Дастлаб, 34-дақиқада меҳмонлар футболчиси Экатор ҳисобни очди. Аммо иккинчи таймда майдон эгалари устунликни қўлга олди. 57-дақиқада Ангисса рақиб дарвозабонини ожиз қолдирди ва ўйиндаги мувозанатни тиклади. 75-дақиқада эса ҳужумчи Хойлунд жамоасини олдинга олиб чиқди — 2:1.

Ушбу ғалабадан сўнг, Антонио Конте шогирдларининг жамғарган очколари сони 15 тага етди. Айни пайтда неаполликлар "Рома" клуби билан бир хил очко тўплаган ҳолда турнир пешқадами ҳисобланади.