А Серия. "Интер" сафарда 3 очкони қўлга киритиб, "Милан" ва "Наполи"дан пешқадамликни тортиб олди

Италия А Сериясининг 15-туридан ўрин олган навбатдаги баҳс ўз ниҳоясига етди. 
 
"Милан"нинг "Интер" клуби сафарда "Женоа" билан куч синашиб, 2:1 ҳисобида ғалаба қозонди ва муҳим 3 очкони қўлга киритди. 
 
Бу орқали жамоа "Милан" ва "Наполи"ни турнир жадвалида қувиб ўтган ҳолда, якка пешқадамга айланиб олди. ("Интер" 33, "Милан" 32, "Наполи" 31). 
 
Маълумот ўрнида, "Наполи" бу турда "Удинезе"га имкониятни бой бериб қўйди (1:0). "Милан" эса "Сасуоло" билан 2:2 ҳисобидаги дурангга имзо чекди.