А Серия. Чемпион бўлган "Интер" Чалханоғлунинг голлари эвазига "Торино"дан устун келди

А Сериянинг 34-туридан ўрин олган "Интер" - "Торино" учрашувида миланликлар 2:0 ҳисобида зафар қучди. 

"Нерадзуррилар" сафида иккала голга ҳам Хоқон Чалханоғлу муаллифлик қилди. У биринчи голини пенальтидан киритди. 

Ушбу баҳсдан кейин Симоне Индзаги шогирдлари очколари сонини 89 тага етказиб қўйди. Мазкур ўйинда мағлуб бўлган "Торино" 46 очко тўплаган ҳолда 10-ўринни банд этиб турибди.