Руни: Ҳали ҳам АПЛда ўйнашга кучим етади

Айни дамда фаолиятини АҚШнинг "Ди Си Юнайтед" клубида давом эттираётган ҳужумчи Уэйн Руни ҳамон АПЛда ўйнашга кучи етишини айтди.

“Мен ҳар доим ўзимга ишонганман ва шу сабабли олдимга юқори мақсадларни қўяман. Мени ҳали ҳам АПЛда ўйнашга кучим етади. Бунга ишончим комил”, - дейди англиялик ҳужумчи.

Эслатиб ўтамиз, Руни фаолияти давомида премьер-лигада "Эвертон" (2002-2004; 2017-2018) ҳамда "Манчестер Юнайтед" (2004-2017) клубларида тўп сурган. У ўтган мавсум "Ди Си Юнайтед" сафида жами 21та ўйинда иштирок этиб, ўз ҳисобига 12та гол ҳамда 6та голли узатма ёздириб қўйишга эришган.