“Барселона” Виллиан борасида "Челси"га учинчи таклифини ҳам юборди

“Барселона” ҳамон “Челси” ярим ҳимоячиси Виллианни сотиб олиш фикридан қайтмаяпти.

Sky Sports тарқатган хабарга кўра каталонияликлар 29 ёшли бразилиялик футболчининг трансфери борасида “аристократлар”га ўзларининг учинчи таклифларини ҳам юборишган. Унга кўра “Барса” “Челси”га 60 млн евро ваъда қилган. Бироқ, Лондон клуби Виллианни 70 млн евродан камига қўйиб юбормоқчи эмас.

“Кўк-анор ранглилар” устози Эрнесто Вальверде эса шахсан Виллинни “Камп Ноу”га олиб келишни мақсад қилган.

Маълумот учун, Виллиан ўтган мавсум “Челси” сафида жами 55та учрашувда иштирок этган ва ўз ҳисобига 13та гол ҳамда 12та голли узатма ёздириб қўйишга эришган.