6 декабрь куни UFC октагонида катта "портлаш" юз беради!
- 14-октябр 2025, 20:31
- Ahmadbek Eshmatov
- 0
- MMA
UFC раҳбари Дана Уайт 6 декабрь куни АҚШнинг Лас-Вегас шаҳрида бўлиб ўтадиган "UFC 323" турнири учун бир неча супер жангларни эълон қилди.
Унга кўра, "main event" баҳсида ўта енгил вазнда амалдаги чемпион Мераб Двалишвили россиялик Пётр Янга қарши октагонга кўтарилади. Бу тўқнашув грузиялик учун 2025 йилдаги тўртинчи жанг бўлади.
Оқшомнинг "co-main event" баҳсида эса супер енгил вазн чемпиони Александр Пантожа мьянмалик Жошуа Ван билан кураш олиб боради.
Эътиборлиси, "UFC 323" турнирида ҳамюртимиз Богдан Гуськов ҳам иштирок этиб, польшалик Ян Блаховичга қарши жанг қилиши белгиланди. Агар вакилимиз ғалаба қозонса, UFC нинг ярим оғир вазн тоифаси рейтингида 4-ўринга чиқиб олиши мумкин ва кейинги баҳс чемпионлик камари учун ўтказилиши ҳам эҳтимолдан ҳоли эмас.
Шунингдек, мазкур кечада UFC нинг яна бир юлдузи Генри Сехудо америкалик Пэйтон Тэлботт билан куч синашади.