Муҳаммад Салоҳ 99 фоиз шу жамоага ўтади!
- 21-январ 2025, 17:40
- Zohir Toshxo’jayev
- 0
- Футбол
Муҳаммад Салоҳнинг “Ливерпуль” билан амалдаги шартномаси якунланиб бормоқда. Томонлар ҳамкорликни узайтириш борасида ўзаро келишувга эришгани ҳақидаги хабарлар ўз тасдиғини топмади.
Сўнгги пайтда мисрлик ҳужумчи Саудия Арабистонига кетиши ҳақида маълумотлар тарқатилмоқда.
Унга молиявий жиҳатдан бақувват бир неча клуб оғиз соляпти. Саудиялик спорт эксперти Холид Аш-Шенайф “Ливерпуль” етакчилари Муҳаммад Салоҳ ва Виржил ван Дейк қайси жамоага ўтиши ҳақида хабар берди.
- Муҳаммад Салоҳ 99 фоизга “Ал-Ҳилол” ўйинчиси. Виржил ван Дейк ҳам шунга жуда яқин. Ҳаммаси келишиб бўлинди, энди ўйинчилар шартномани расман имзолаши қолди холос. Бу трансферлар ёзда – жаҳон чемпионати олдидан амалга оширилади, - деди Холид Аш-Шенайф.
“Ал-Ҳилол” кейинги йилларда Саудия Арабистонининг энг қудратли жамоаларидан бирига айланган. Бу жамоа Неймардан воз кечмоқчи ва унинг ўрнига бошқа машҳур юлдузларни олиб келишни мақсад қилган.