Xorijlik ekspert O‘zbekistonga Ronaldu boshchiligidagi Portugaliyani engish yo‘lini aytdi

O‘zbekiston milliy terma jamoasining 2026 yilgi ishtiroki va bo‘lajak mundial guruh bosqichida Krishtianu Ronaldu boshchiligidagi Portugaliya bilan o‘yin turli muhokamalarga sabab bo‘lmoqda.

Qozog‘istonlik futbol sharhlovchisi Erbol Kairov jahon chempionatida o‘zbekistonlik futbolchilarning guruhdan chiqish imkoniyatlariga baho berdi va Portugaliyaga qarshi qanday qilib samarali o‘ynash mumkinligi haqida o‘z fikr-mulohazalarini bildirdi.

- O‘zbekiston Portugaliyaga qarshi o‘yinni intizomli himoya va sabr-toqat asosida qurish kerak. Ularga qarshi ochiq futbol o‘ynash mumkin emas, ayniqsa, Brunu Fernandesh va Rafael Leau kabi futbolchilarga bo‘sh hudud qoldirib bo‘lmaydi. Ular kontsentratsiya yo‘qolgan zahotiyoq raqibni jazolaydi.

O‘zbekiston uchun o‘z guruhida birinchi o‘rinni egallash – bu supersensatsiya darajasidagi masala, deyish mumkin. Ikkinchi o‘ringa ko‘tarilish juda qiyin, ammo nazariy jihatdan hal qilinishi mumkin bo‘lgan vazifa.

Buning uchun o‘zbeklar Kolumbiya va pley-off orqali mundialga keladigan raqibga qarshi uchrashuvlarni muvaffaqiyatli o‘tkazishi va Portugaliyaga qarshi bahsni barbod qilib qo‘ymasligi talab etiladi.

Real maqsad esa, kamida uchinchi o‘rin uchun kurashish va eng yaxshi sakkizta uchinchi o‘rin egalaridan biri sifatida pley-off bosqichiga chiqishdan iborat.  Buning uchun uchala o‘yinda ham imkon qadar ochko olish, kamida to‘rt ochko to‘plash va to‘plar nisbatini me’yorda ushlash zarur,- dedi Erbol Kairov.

Eslatib o‘tamiz, O‘zbekiston milliy terma jamoasi jahon chempionatidagi debyut uchrashuvini 18 iyun kuni eng kuchli terma jamoalardan hisoblangan Kolumbiyaga qarshi Meksikada o‘tkazadi.

O‘zbekistonlik futbol ishqibozlari alohida qiziqish bilan kutayotgan Portugaliya terma jamoasiga qarshi ikkinchi tur uchrashuvi 23 iyunga belgilangan.

Guruhdagi so‘nggi bahs – 27 iyunda pley-offdan muvaffaqiyatli o‘tgan terma jamoa bilan bo‘ladi. Oxirgi ikki o‘yin AQSh maydonlarida tashkil etiladi. 

18 yoshli Nurali Abduqodir Husanov izidan Evropaga yo‘l oldi

Shomurodov 2025 yilning so‘nggi o‘yinini ham “yondirdi”!

Husanov, semirib ketma!

Fabio Kannavaro “JCh-2026” oldidan barcha muammolarni ochib berdi

Kannavaro: Kutib charchadim!

Joyini Nuneshdan qaytib olgan Husanovning o‘yini qanday baholandi?

Gvardiola Husanovni tanqid qilgan murabbiyni “razbor”ga chaqirdi

Nihoyat, Husanovni maydonda ko‘ramiz!

O‘zbekiston ulkan hurmatga loyiq! Portugaliya ustozi Martines yana nimalar dedi?