Xavi ishdan olinganidan keyin nimalarni his qilganini aytdi

“Barselona” rahbariyati qaroriga ko‘ra, bosh murabbiy lavozimidan ozod etilgan Xavi Ernandes ko‘nglidan nimalar o‘tganini aytib berdi.

- “Barselona”dan ishdan olinganimdan keyin nimalarni his qildim? Aniq, bu engillik bo‘lmadi. Chunki men qolishni istagandim, lekin menga sevimli klubimda ortiq ishlay olmasligimni aytishdi.

Kelgan ilk kunimdan boshlab, har bir gapim rahbariyat va ommaviy axborot vositalarini larzaga solganga o‘xshaydi. To‘g‘risi, nega bunday bo‘lganini o‘zim ham bilmayman, - dedi Xavi Ernandes.

Xavi Ernandes 2021 yili “Barselona”ni qabul qilib olib, o‘rtamiyona darajaga tushib qolgan jamoani chempionga aylantirdi. Shuningdek, kataloniyaliklar bu mutaxassis qo‘l ostida Ispaniya Superklubini ham qo‘lga kiritdi.