U-23 Osiyo kubogining ilk finalchisi nomi ma'lum

Osiyo kubogi o‘zining yakuniy qismiga yetib kelmoqda. Saudiya Arabistoni mezbonlik qilayotgan 23 yoshgacha bo‘lgan futbolchilar o‘rtasidagi qit’a birinchiligining yarim final uchrashuvlariga start berildi. Yaponiya va Janubiy Koreya terma jamoalari final yo‘llanmasi uchun maydonga tushdi. Uchrashuvning 36-daqiqasida yaponlar himoyachisi Kaito Koizumi gol urib, jamoasini hisobda oldinga olib chiqdi. Ushbu gol o‘yinda yagonaligini saqlab qoldi va kunchiqaryurt vakillari final chiptasini qo‘lga kiritdi.