Angliya Premier-ligasining eng mashhur klublaridan hisoblangan “Chelsi” hujumkor futbolchisi Estevao Villian son orqa mushak jarohati sabab joriy mavsumning qolgan qismida maydonga tushmaydi.
U ushbu jarohatni o‘tgan shanba kuni “Manchester Yunayted”ga qarshi o‘yinda (0:1) olgan va 16-daqiqada almashtirilgan edi.
Tekshiruvlar 18 yoshli futbolchining Premier-liga va Angliya kubogidagi qolgan o‘yinlarda ishtirok eta olmasligini tasdiqladi.
BBC jurnalistlari ma’lumotiga ko‘ra, u yozda bo‘lib o‘tadigan jahon chempionati uchun Braziliya termasi ro‘yxatiga kirmay qolishi xavfi ortib bormoqda.
Joriy mavsumda Estevao “Chelsi” safida 36 ta o‘yinda ishtirok etib, raqiblar darvozasini 8 marta ishg‘ol qilgan va jamoadoshlariga 4 ta golli pas uzatgan.
Izohlar (0)
Hozircha izohlar yo'q